Nur en Blick i dini Auge und scho wäiss i wer i bin
En tüüfe Blick i dini schönen Auge und ich gspüüre min Läbessinn

II: Dini Liebi loot mi uufblüe, herzbestimmt mich sälber sy
Dini Liebi entfacht mini, tüüf beglückt gib i mi hy :II

Nur en Blick i dini Auge und ich füüle mi dihäi

Nur en Blick i dini Auge und scho wird i zärtlich weich
En tüüfe Blick i dini schönen Auge macht mi rycher als en Schäich

II:Oisi Liebi isch mer Häimat und mis Herz mit dim verlobt
Oisi Liebi träit ois immer, ganz egal wie s Läbe tobt :II

Nur en Blick i dini Auge und ich füüle mi ganz dihäi
En tüüfe Blick i dini schönen Auge und ich füüle mi dihäi

Nur en Blick i dini Auge und scho gspüür i wie s mr goot
En offne Blick i dini schönen Auge loot mi aanee, was mi ploogt

II: Oisi Herze händ de Schlüssel zumne heilsam sich’ren Ort
Oisi Herze sind verbunde, für das git’s und bruucht’s kei Wort :II

Elisabeth Frieda Wetzel, 2023
​​​​​​​Foto: Horst Joachims