Mein BeSTIMMungs-Initiationslied

Mini Stimm will zart berüere
streichle liebevoll dis Herz
Zrugg zu dir dich heizuefüere
Zu dim Schatz hinderem Schmerz

Mini Stimm will uselocke
Dini Seeleliechtwohrheit
Lo si bitte wider strahle
Und los zue, was si dir säit

Mini Stimm will Wälle tanze
Uf dass s Läbe gsund pulsiert
Dur din wundervolle Körper
Dass er quicklebändig wird

Mini Stimm will wild und frei sy
Jubiliere voller Luscht
S Läbe ehre wien en Maibaum
Und verbinde Schoss und Bruscht

Mini Stimm will Fraue stärche
Schwöschtereverbundeheit
Denn nur zäme chömmer heile
D’Wält bruucht gsundi Wyblichkeit

Mini Stimm will fühlend singe            
Fyngfühl als e Chraft zuelo
Gägesätzlichs zämebringe
Für die Heilchraft klar ystoh

Mini Stimm will wyt uufschwinge
En Kanal für Energy
Fridensstiftend visioniere
Und e Brugg für Wandel sy

Mini Stimm will zruggverbinde
Zur Natur eus Erdechind
Loss eus hei zur Mueter finde
Schütze, was mir würklich sind

Mini Stimm will tüüf erfahre
S Heilige Mysterium
Stuune ab em Göttlich Ganze 
Demuetvoll, empfänglich stumm

Elisabeth Frieda Wetzel, September 2026
zu meinem 43. Geburtstag

Das wunderschöne, kraftvolle Bild hat mir mein Onkel zum 40. gemalt - wohl in Zusammenarbeit mit meiner Seele! ;-) Soooo ein kostbar beglückendes Geschenk!! Grazie mille, caro Ric!