Bäremueter, ich chumm hei
Bi so lang furt gsy, ganz ällei
Dankbar fall ich i din Schoss
Lo d'Träne flüüsse, d'Spannig los

Gspür din Herzschlag mit mim Herz
Geborgeheit für Freud und Schmerz
So vil Johre vo dir trännt
Bin unbewusst dur s Läbe grännt

Ghüetet häsch du all die Zyt
Die heilig Chraft, wo i mir lyt
S isch mis eigne Schossruumfüür
Won ich dank dir jetzt sälber gspür

Bäremueter, ich blyb do
Und säg zu minre Urchraft jo
Heile mini Wyblichkeit
Mit neuer Erdverbundeheit

Mueter Erde, jo, ich bin
Als dini Tochter Hüeterin
Läbensdienend Schöpferin
Und weisi Zyklustänzerin

Mueter Erde, s tuet so weh
Die Spaltig in und um eus z'gseh
Nur es Glychgwicht Fride schafft
Eus allne fehlt die wyblich Chraft

Mueter Erde, ich chumm hei
Bi uf dem Weg au nid ällei
Schwöschtere gönnd Hand in Hand
Denn Wandel goht nur mitenand

Dini Töchter gönnd voraa
Für vili Söhn isch's au scho draa
Neu vereint erahned sy
Wie s Paradys chan gretted sy

Elisabeth Frieda Wetzel, Neujahr 2026
Für die Gebär(en)mutter (oder die Hüterin der Gebärmutter) einerseits &
für die Grosse Mutter Erde andererseits; inzwischen heisst mein Motto herzbestimmt & schossverbunden! :-)